Tupi sa polis naapektahan sa bangi sa magtiayon

CEBU, Philippines –  May katahap si Sr. Insp. Mario Monilar, hepe sa Guadalupe Police Station nga nag-away ang barbero nga mitupi kaniya ug ang asawa niini hinungdan nga gipahakan ang iyang buhok niadtong Biyernes sa buntag.

Kini tungod kay nahinumdoman pa ni Monilar nga samtang gitupihan siya ni Jessie Tacumba, 32 , barbero sa Style Barbershop sa eskina sa barangay Banawa, kalit lang miabot ang asawa sa maong barbero ug mipabuto sa usa ka balon sulod sa barber shop.

Miingon si Monilar nga malagmit diha sa kasuko sa iyang asawa si Tacumba ug ang buhok na hinuon niya maoy napahimungtan.

Kay imbis semi-military hair cut ang iyang gusto, na semi-barber cut na hinuon gumikan kay napahak naman ang kilid sa ulo sa opisyal sa kapolisan.

Unya dihang gimandoan niya si Tacumba nga ipaayo pinaagi sa paggamit og gunting, electric razor na hinuon maoy gipakabra ni Tacumba sa buhok ni Insp. Monilar hinungdan nga misamot kahiwi ang iyang tupi.

Sa kalagot ni Insp. Monilar iyang gitawag ang duha niya ka sakop nga polis ug gipadala si Tacumba ngadto sa ilang buhatan ug didto gibalhug siya sa prisohan.

Ang mga tigpaniid nagkanayon nga tukma ra gyud ang pagya nga nadakpan naba ang nagtupi nimo Sir? (BANAT NEWS)