CEBU, Philippines - Usa ang namatay ug duha ang grabeng naangol sa mga trabahante sa junkshop sa dihang walo ka sakop sa fraternity mi-atake ug namusil kanila alas 2 sa miaging kaadlawon sa sitio Mahusay, barangay Subangdaku, dakbayan sa Mandaue.
Usa ka Ronron (apilyedo wala masayri) nga taga Borbon ang namatay, samtang naangol silang Reynante Cabig, 29, ug Jomar Dizon, 25, naangol sa hitabo.
Si PO3 Edmundo Vilacora sa Subangdaku Police Station nagkanayon nga nangatulog lamang sa lawting sa junkshop ang mga biktima sa dihang gipamusil sa mga sakop sa Crips gang. Si Ronron ang gikatahong punterya sa mga namusil tungod kay giingong sakop kini sa Bloods gang. - BANAT NEWS