CEBU, Philippines - Use ang patay samtang usa usab ang angol sa pagpamusil didto sa dakbayan sa Toledo ug lungsod sa Balamban sa miaging adlaw.
Ang namatay didto sa Toledo mao si Louie Adlawan Suico, 22, nga taga barangay Campo 8, sa maong dakbayan, samtang ang naangol usab mao si Erwin Sanchez Ricaña, hingkod nga taga barangay Buanoy, lungsod sa Balamban.
Sumala sa kapolisan si Suico naglakaw sa karsada dihang giluthang kini sa wala hiilhing kriminal nga nagsunod kaniya.
Human mahagba ang biktima sa yuta misibat usab dayon ang kriminal.
Samtang si Ricaña nagbarog sa karsada dihang kalit lang mitumaw ang usa ka wala hiilhing tawo ug miluthang kaniya.
Nasabak ang biktima sa paa ug gihatod dayon siya sa tambalanan. (BANATNEWS)