7-anyos Patay sa dengue

CEBU, Philippines - Usa ka 7-anyos nga batang lalaki maoy labing ulahing namatay sa sakit nga dengue sa dakbayan sa Sugbo sa milabay’ng adlaw.

Subay sa rekord gikan sa City Epidemiology Surveillance Unit (CESU) sa City Health Department nagpakita nga ang biktima mao si Florante Ian Albao, taga Villa San Antonio, barangay Basak San Nicolas.

Gipahibalo usab ni assistant city epidemiology Dorenda Macasucol sa Banat News subay sa labing ulahing rekord gikan sa Enero 2010 hangtod kagahapong adlawa miabot na ang mga kaso sa dengue dinhi sa dakbayan og 1,554 ug 13 na ang patay.

Matud ni Macasucol kini mas taas og 27.4 porsiyento itandi sa kaso sa dengue sa milabay’ng tuig sa susamang kuwarter nga duna lay 1,131 ka kaso apan 24 usab ang namatay.  - BANAT NEWS