CEBU, Philippines - Usa ka giingong sakop sa Tau Gamma Phi gipusil angol sa duha ka wala hiilhing kriminal sulod sa usa ka internetan sa sitio, Mecabaha, barangay Duljo-Fatima ning dakbayan sa Sugbo kagahapon sa kaadlawon.
Ang biktima nailhan nga si Richard Semontesa, 26, ulitawo nga taga Duljo.
Sumala sa kapolisan nga nagduwa og computer ang biktima dihang migawas kini kay mipalit og sigarilyo apan giatangan siya sa mga kriminal ug gipusil sa makadaghang higayon.
Nasabak sa mga bala sa nawong ug uban pang bahin sa lawas ug gihatod dayon kini ngadto sa Cebu City Medical Center.
Sa pagkakaron padayon pang giimbistigar sa kapolisan ang maong hitabo. (BANATNEWS)