CEBU, Philippines - Ang kagamhanan sa dakbayan sa Talisay mopatukod og tunghaan sa elementarya sa barangay Dumlog aron kahatagan og higayon ang mga migradwar sa pagka-maestra ug maestro sa maong barangay makatudlo ug makatrabaho.
Mao kini ang gitinguha ni konsehalDennis Basillote sa dakbayan kinsa mibutyag sa Banat Newsnga ilang higpitan ang pagsubay sa“localization law” aron ang taga Talisay nga migraduwar sa kursong education sigurado gyung makatrabaho diha sa dakbayan.
Si Basillote nga maoy tsirman sa komite sa edukasyon sa konseho mipasabot nga diha sa maong balaod, kinahanglang ang usa ka aplikanteog trabaho adto lang makapangplay og trabaho sa lugar nga iyang gipuy-an kay dili siya madawat sa ubang lugarnga dili niya pinuy-anan.
Matud ni Basillote nga nakigtagbo na siyasa Superintendent sa Department of Education sa Talisay bahin sa maong proyekto ug ang iyang anak nga si Charles Basillote kinsa maoy kapitan sa Dumlog iyaha na usab nga nasultihan sa maong plano sa siyudad.
Gitinguha ni Basillote nga sa dili pa mobukas ang klase sa sunod tuig aduna nay matukod nga tunghaan diha sa Dumlog kay ang pundong gamiton sa pagtukod og building anha man kuhaonsa School Emergency Fund (SEF).
Nasayran nga sa tibuok dakbayan sa Talisay ang barangay Dumlogmao raywalay eskuylahan busa ang mga estudyante sa barangaytua magtungha sa eskuylahan sa barangay Poblacion nga mao angTalisay Central School. (Brenda D. Batuto)
Polis may special project
Gipanghingusgankaronsa kapolisan ang paggukodsa mga illegal nga armas nga mikuyanap na pag-ayo ning lalawigan ug giingong maoy usa sa hinungdan sa mga nagsunod-sunod nga pagpamusilsa tibuok lalawigan sa Sugbo. Matud pa ni Senior Superintendent Erson Digal, hepe sa kapolisan sa lalawigan sa Sugbo nga nakighimamat na siya sa mga opisyal sa syudad sa Danao uban sa hepe sa Police Regional Office Chief Superintendent Ager Ontog sa miaging adlaw.
Gibutyagni Digal nga aduna silay gitawag nga ‘Special Project’ aron mapakgangang pagkuyanap sa mga walay lisensyangarmas nga maoy hinungdan sa midagsang nga krimen karon sa lalawigan.
Midugang si Digal nga ilang gikahinabiang mayor ug ang mga opisyal sa Danao ug gitun-an nila karon ang mga paagi aron nga dili na makabaligya sa gawas ang mga tigbuhat og armassa maong siyudadkun dili mag-agi og kooperatiba. Midugang si Digal nga naglaraw sila nga kontrolahon ang pagpagawas sa maong mgaarmas sa paaging gikan sa kooperatiba, mag-agi kini sa kapolisan kun adunay mamalit sa maong armas. (BANATNEWS)