CEBU, Philippines - Patay nang nadangat sa tambalanan ang usa ka 19-anyos nga lalaki human makaangkon og samad pinusilan diha sa ilong nga milapos sa iyang tangkugo diha sa barangay Tatay siyudad sa Danao kagahapon sa alas 3:05 sa kaadlawon.
Ang biktima mao si John Edstel Lawas Suello, taga sitio Cadastral barangay Looc sa maong dakbayan samtang dali usab nga nakaikyas ang tulo ka wala mailhing lalaking sakay og motorsiklo.
Matud pa ni SPO4 Edgar Gomez sa Danao City Police Station dihang nakahinabi sa Banat News, ang biktima kauban sa mga barkada niini gikan mitambong og disko ug padulong na pauli nga naglakaw.
Apan pag-abot sa maong lugar gilabyan sa mga gikatahapan ug ang angkas midul-it pagpusil sa nawong sa biktima ug pagkahuman mipasirit palayo. Ang biktima daling gidala sa Danao District Hospital apan gideklarar nga dead on arrival. - Darrel Carumba, Romeo Limpangog ug Reggie Pajaron (BANAT NEWS)