CEBU, Philippines - Ang dakbayan sa Sugbo nagplanong mopalit og tulo ka eroplano aron gamiton sa Department of Education (DepEd) sa paglupad ug pag-adto sa mga lugar nga may mga emerhensyang panghitabo.
Kini maoy gibutyag ni Bise Mayor Joy Augustus Young sa dakbayan sa Sugbo human niya ikahinabi si Kalihim Armin Luistro sa DepEd sa miaging adlaw didto sa kaulohan.
Ang tulo ka mga eroplano anaa karon sa Bukidnon ug Nueva Viscaya nga mao ang Hello Aircraft Model H-391B (RP 39), Hello Aircraft Model H-295(RP 43), ug Hello Aircraft Model H-250/ 295 (RP 526).
Matud pa ni Young pulos na kini mga karaan ug palitanan pa og mga piyesa aron makalupad.
Ang presyo sa RP 39, kapin ra sa P900,000; ang RP 43 ug RP 526 pulos tag kapin P1 milyon ang kantidad.
Gitakda kagahapon ang subasta sa maong mga eroplano. – BANAT NEWS