CEBU, Philippines - Si Kongresista Gabriel Luis “Luigi” Quisumbing dako og pagsalig sa pagdumala sa Ubos Balay Balaoranan ni Speaker Feliciano “Sonny” Belmonte Jr. hinungdan nga mao kini ang iyang gisuportahan atol sa piniliay sa pagka-speaker sa Kamara.
Matud pa ni Quisumbing nga ang kasinatian ni Belmonte maoy iyang gibasehan sa pagpili niini batok sa iyang kaatbang nga si Albay Rep. Edcel Lagman.
“With the considerable number of neophytes and the various political leanings of our legislators, it is imperative that this august body be captained by a leader whose long track record as a public servant is unquestioned, whose wisdom and experience can ably helm and reconcile the myriad members of the 15th Congress towards a united endeavor in service to the Filipino,” si Quisumbing nagkanayon.
Sa laing bahin, si Mayor Paz Radaza wala motug-an kinsay gibotuhan nga House Speaker sa iyang bana nga si Kongresista Arturo “Boy” Radaza.
Si Mayor Radaza midayeg hinuon sa mga pamahayag ni Pres. Benigno Simeon “Noynoy” Aquino sa iyang State of the Nation Address gumikan kay nakita niini ang kaseryoso sa presidente.
Nanghinaut hinuon si Mayor Radaza nga tumanon ni Aquino ang lakang sa iyang administrasyon paggukod sa mga kurakot kun aduna kini tukmang ebidensiya. – BANAT NEWS