CEBU, Philippines - Usa ka suspetsadong drug pusher nasikop atol sa buy bust operation nga gilusad sa kapolisan didto sa sitio Santo Rosario, barangay Jagobiao, dakbayan sa Mandaue sa miaging gabii.
Ang suspetsado nailhan nga si Adelyn Mondares , 37, minyo, nga nagpuyo sa maong lugar.
Matud pa ni SPO4 Jose Dilao sa Mandaue City Police Office nga nasakmit nila gikan sa kamot sa suspetsado mao ang 11 ka pakiteng pinulbos nga gituohan nilang shabu, ug cash nga P250 nga gituohan nilang halin sa shabu.
Nagkagulkol na karon sa prisohan ang suspetsado ug giandam na usab ang tukmang kaso nga isang-at batok kaniya. (BANATNEWS)