CEBU, Philippines - Unom ka balay ang hingpit nga naugdaw, samtangupat usab ang igo lang nakan-an sa kayo sanahitabong sunog didto sa sitio Seaside, barangay Poblacion, lungsod sa Compostelasa miaging hapon.
Ang naugdaw nga mga balay gipanag-iya nila niNimfa Wagas nga inahan ni Mayor Ritchie Wagas sa maong lungsod,Virgilio Castro, Teodora Calo ugduha ka balay nga gipanag-iya ni Edna Paraiso.
Ang laing upat nga nakabaton og gagmay nga kadaut gipanag-iya usab nila niEmelito Casquejo, Renato Caballero ug Virginette Linates.
Si SFO1 Tomas Penas, imbestigador sa kabomberohan sa nahisgotang lungsod miingon nga nagsugod ang kayo sa kisame sa balay ni Wagas ug mitapon ngadto sa sikbit nga mga panimalaynga ginama sa gaan nga mga dapat sa maong dapit.
Matud pa ni Penasnga nasumpo nila ang kayo human sa 10 minutos .
Si Chief InspectorReynaldo Oporto nga maoy fire marshall sa maong lungsodmipaubos sa maongsunog sa second alarm busa nakadangat sa maong lugar ang ubang kabomberohan gikan sa kasikbit nga mga lungsod aron sa pagtabang nila pagpawong sa kayo.
Gibana-bana sa kabomberohan nga mikabat saP555,000ang kantidad sa kadaot sa maong sunog ug maayo nalang kay walay kinabuhing nakalas sa maong hitabo.
Padayon pang giimbistigar sa kabomberohan ang maong sunog nga gituohang mugna sa nagdikit nga linya sa kuryente. – BANAT NEWS