CEBU, Philippines - Usa ka balay natusak sa mga bala human kini rakraki sa mga armadong tawo nga wala hiilhi didto saSitio Tolibao, Barangay Malingin, dakbayan sa Bogo sa miagingkaadlawon.
Si Marilyn del Fiero Catadman, 50, tresurera sa barangay ug maoy tag-iya sa balay nga girakrakan, nagkurog nga mitaho sa kapolisan sa dakbayan sa Bogo.
Matud pa niya nga gibana-bana niyang mga pito ka tawo ang nangrakraksa iyang balay kinsa migamit og 9mm kalibre nga armas de fuego.
Matud pa sa biktima nga nakasalbar sa kinabuhi sa iyang pamilya ang sementado nilang bongbong kay wala makadulot ang mga bala niini.
Hinuon ang mga bildo sa bintana nanuagsikdihang nasabak kini sa nag-aso-aso nga mga balay.
Dihang gisusi sa kapolisan sa Bogo ang lugar nga nahitaboan, nakapunit sila og walo ka kabhangsa mga bala sa 9mm nga kalibresa armas sa palibot sa balay sa biktima.
Matud pa ni PO1 Noli Cernio sa Bogo Police Station nga ikaduha na kining hitabo nga girakrakan ang balay ni Catadman.
Ang primerong pagpangrakrak nahitabo niadtong naghinangat ang eleksyon niadtong Mayo 10.
Hinuon walay nasamdang mga sakop sa pamilya sa biktima.
Sa pagkakaron padayon pang giimbistigar sa kapolisan ang maong hitabo. – BANAT NEWS