Gipusil sa Akrho lubot ug tiil igo

CEBU, Philippines - Samdan ang duha katawohuman kini pamusila sa tulo ka mga batan-ong giingong sakop sa Akrho ug mga tulisan didto sa lungsod sa Consolacion sa milabay’nggabii.

Ang mga biktima mao sila si Arnold Judaya, 18, Sitio Sun-ok, barangay Tayud sa maong lungsod ug si Bonifacio Apas, 34, nga iyang silingan.

Samtang ang mgasuspetsado mao sila si Rommel Ornopio, 18, Shem Bugtai, 18 ug si Ronnie Lacida, 20, nga pulos taga Sitio Laray, barangay Pitogo sa maong lungsod.

Matud pa ni PO2 Winston Magdadaro sa Consolacion Police Station sa pakighinabi sa Banat News,nga ang mga suspetsado nagsakay og motorsiklo ug dihang nakita nila ang mga biktima gipamusil dayon kini sa walay igong hinungdan.

Samdan sa lubot si Apas, samtang natiil usab siJudaya ug dali kining gihatod ngadto saVicente Sotto Memorial Medical Center (VSMMC) sa dakbayan sa Sugbo.

Human dakpa ang mga suspetsado, nasakmit usab sa kapolisan ang mga armas de fuego nila ug ang motorsiklo nga ilang gisakyan nga matud pa usa usab ka kinawat.

Sa samang higayon gibutyag usab ni PO2 Magdadaro nga miangkon ang mga suspetsadonga aduna pa sila’y duha ka mga kaubang tulisannga pulos mga menor de edad

Nagtingkagol na karon sa prisohan sa lungsod ang mga suspetsado. – BANAT NEWS