Cellphone de camera i-ban sa polling places

CEBU, Philippines - Giklaro ni Cebu provincial Comelec Supervisor Lionel Marco Castillano nga dili tugotan ang mga botante nga magdala og mga cellphones nga dunay camera sulod sa voting precincts atol unya sa adlaw sa piniliay karung Mayo 10 sa kasamtangan nga tuig.

Matud ni Castillano nga dunay General Instructions (GI) ang Commission on Elections (Comelec) sa maong kamandoan subay usab sa labing unang pagpahigayon og poll automation sa nasud. Giklaro usab ni Castillano nga ila gyud nga kumpiskahon ang tanang camera o cellphones nga dad-on sa mga botante. Wala hinuon mihatag og klarong pamahayag si Castillano sa rason niini.

Sa pikas bahin, gimando ni Castillano ngadto sa mga sakop sa media nga mokuha og media I.D. sa ilang buhatan aron ilang magamit sa coverage sa eleksyon karung Mayo ug mahimo silang makasulod sa voting precincts.

Matud ni Castillano nga ilang did-ang makasulod sa voting precincts ang mga sakop sa media nga wala niini gikan sa Comelec apan iyang gitataw nga mahimo hinuon nga maka-coverage ang mga sakop sa media sa gawas sa presinto.

Si Castillano midugang nga kinahanglang mosubay sa proseso ang mga sakop sa media pagkuha sa ID apan kinahanglan usab nga duna sila accreditation gikan sa ilang gialagarang print, broadcast ug sa TV. - Rey Pasaporte