Gipetisyonang polis gibalhin na

CEBU, Philippines - Ang polis sa Pardo Police Station kinsa gipetisyonan sa katawhan sa maong lugar gumikan sa pagpangharas,gilabay dayon kini ngadto sa Operation Section (OS) sa Cebu City Police Office niadtong katapusang semana sa Enero ning tuiga.

 Ang nangulo sa pagduso sa maong petisyon mao si Madronio Sabellano ang amahan ni Reynaldo Sabellano, nga giingong gipusil ni Jolejole niadtong Enero 11, 2009.

 Apan kusganong gihimakak ni Jolejole nga ang maong petisyon maoy nakapabalhin kaniya gikan sa Pardo, kundili ang pagkinahanglan kaniya sa OS tungod kay usa siya ka opisyal kansang abilidad misakar sa panginahanglan sa maong buhatan isip senior officer.

 Sumala pa ni SPO4 Jolejole sa Banat News nga tulo sa mga opisyal sa OS ang nag-eskoling , ang usa mikuha og senior supervisory course samtang ang duha mikuha og lateral entry. Matud pa ni SPO4 Jolejole nga napilian siya sa maong buhatan tungod sa iyang kapin sa lima ka tuig nga kasinatian sa OS sa CCPO niadtong si Senador Panfilo Lacson pa ang Commanding Officer sa Cebu Metrodiscom niadtong 1989 hangtod sa 1992.

 Nagsilbi usab siya og usa ka tuig sa Mambaling Police Station, duha ka tuig sa kanhi Criminal Intelligence and Investigation Branch (CIIB) ug 9 ka tuig sa Pardo Police Station sa wala pa siya mahibalik ngadto sa OS sa CCPO. – BANAT NEWS