Common poster area angay sundon: Gujilde

CEBU, Philippines - Hugtanong gipahibalo sa buhatan ni Atty. Ferdinand Gujilde sa Commission on Elections (Comelec) sa dakbayan sa Lapulapu ang mga mokandidato nasyonal o lokal nga pagpapilit lamang sa ilang mga poster sa common poster areas.

Ang tanang kandidato sa Mayo 10, 2010 election mahimong makabutang og posters atbang sa Marina Mall sa barangay Pusok, Takan Buaya Runway sa barangay Buaya, nahimutang duol sa Mactan Shrine sa barangay Mactan, Crossing Datag sa eskina ug barangay Maribago.

Dugang Common poster area mao ang eskina sa Sacred Heart Parish sa barangay Marigondon, Crossing Bankal ug Pajac Rotonda sa barangay Pajac, Crossing MEPZ 2 ug Basak sa atubangan sa ganghaan sa MEPZA ug Crossing Gun-ob ug Basak duol sa Petron Gasoline Station sa barangay Basak.

Ang laing common poster area mao ang Crossing Gun-ob, Looc ug Canjulao, kilid nga bahin sa Poblacion basketball court, kilid sa Public Savings bank, duol sa karaang taytayan sa kilid sa MENZI sa barangay Pajo, kilid sa mga sidewalk sa atubangan sa City Hall ug skywalk sa barangay Pajo, sitio Toril sa eskina sa Canjulao ug Agus Crossing sa barangay Agus.

Samtang ang eskina sa Fuentes Road sa barangay Pajac gihimo usab nga common poster area, ang utlanan sa barangay Buaya ug barangay Mactan, eskina sa 2nd Mactan Bridge sa barangay Pusok, Talima Mini City Hall sa isla sa Olango ug ingon man ang pantalan sa barangay Sta. Rosa sa isla sa Olango.

Gipahibalo usab ni Gujilde nga sa mga barangay sa isla sa Olango adto lang ibutang sa mga barangay halls, Plaza ug merkado publiko. – BANAT NEWS