CEBU, Philippines - Naugdaw ang 10 ka balay sa usa ka sunog nga miigo didto sa Sitio Kamanggahan, Brgy. Tabok dakbayan sa Mandaue kagahapon sa buntag.
Si SFO1 Roy Garcia imbistigador sa kabomberohan sa dakbayan sa Mandaue mibutyag sa Banat Newsnga nagsugod ang kayo sa ikaduhang andana sapanimalay ni Artemia Molina.
Matud pa ni SFO1 Garcia nga padayon pa ang gihimo nilang imbestigasyon sa pagtumbok sa tinuod nga hinungdan sa maong sunog ngadali kaayong mikatap sa palibotug mitapon dayon kini sa kasikbit nga mga balay.
Lakip sa naugdaw mao ang panimalay nila ni Romolo Capulong, Lourdes Noblasa, Marifil Maasin, Caridad Lumot, Alexandra Fuentes, Danny Nadela, Elizabeth Koch, Reymondo Mendoza ug Maya Menoza.
Usa sa hinungdan nga dali kaayong naugdaw ang maong mga balay mao ang kagaan sa mga dapat nga materyales niini.
Matud pa ni SFO1 Garcia nga naglisod sila sa pagsulod sa maong dapit gumikan sa kahagip-ot sa dalan niini hinungdan nga nakalanat og 12 minutos una nila hingpit nga nakontrol ang kayo.
Hinuon walay gikatahong naangin nga kinabuhi atol sa maong sunog gumikan sa kaabtik sa mga molupyo sa pagpahilayo sa ilang mga balay dihang gihabhab na kini sa kayo.
Ang alarma sa sunog nadawat sakabomberohan sa alas 8:30 sa buntag ug gipaubos kini sa third alarm hinungdan nga gidugokan dayon sa daghang mga sakyanan sa bombero.
Gibutang sa P730 mil ang katibuk-ang kadaot sa maong sunog. (BANATNEWS)