CEBU, Philippines - Gipasidan-an sa pangulo sa kapulisan sa lalawigan sa Sugbu Sr. Supt. Jesus Gaquing Jr. nga dili gyud magpabuto sa ilang mga armas ang mga sakop atol sa Pasko hangtud na sa Bag-ong Tuig.
Si Gaquing mipahigayon og ceremonial taping sa mga sumbuhan sa armas sa iyang mga sakop sa headquarters sa Cebu Provincial Police Office kagahapon sa buntag nga sundon sa tanang police station sa lalawigan.
Matud pa ni Gaquing, nga nakahibalo nang daan ang mga polis nga mag-atubang sila’g dismissal sa serbisyo kun mamatud-ang nagpabuto sila sa ilang service firearms sanglit gamiton lang kini sa legitimate nga operation. Human sa Bag-ong Tuig susihon pagbalik ang maong mga armas kun wala ba maguba ang gitaptap nga tapes ingon man ang iyang pirma. Giawhag usab niini ang publiko nga mo-report kun dunay mga police nga magpabuto sa ilang mga armas karong panahona aron ilang maimbestigar. (Guam Logroño) ( BANAT NEWS)