Tinun-an nadat-ugan og punoan sa buli tipi

CEBU, Philippines - Patay ang usa ka 17-anyos nga tinun-ang lalaki human kini madat-ugi sa dakong punoan sa buli alas-10 pasado ang takna sa miaging gabii sa sitio Riles, barangay Basak, dakbayan sa Mandaue.

Ang namatay mao si Manuel Nido nga nagpuyo sa maong lugar ug tinun-an sa high school sa pampublikong tulunghaan sa maong dakbayan.

Si SPO2 Roberto Hugo sa Presinto 3 sa barangay Basak Police Station nga nahinabi sa Banat News miingon nga nangutaw kini sa iyang uniporme sulod sa ilang panimalay dihang kalit nga natumba ang dakong punoan sa patay’ng punoan sa buli ug midat-og sa ilang balay.

Matud pa ni Hugo nga milungtad pa og pipila ka oras dihang naugkat ang lawas sa biktima pinaagi sa paggamit og crane sa Emergency Rescue Unit Foundation (ERUF) apan gideklarar kini sa mga doktor nga dead on arrival sa tambalanan.

Si Hugo miingon niadtong miaging tuig pa namatay ang punoan sa buli ug gituohan nga nagabok na kini hinungdan nga natumba bisan walay kusog nga hangin atol sa maong insidente.   (Romeo Limpangog)    (BANATNEWS)