CEBU, Philippines - Ang tigpamaba sa Visayan Electric Company kon VECO nga si Ethel Natera nagkanayon nga dili sila makapasalig nga walay mahitabong brownout atol sa Pasko karong Disyembre.
Matud pa ni Natera kulang gihapon ang ilang makuhang supply sa kuryente gikan sa mga power generators ug power providers.
Si Natera nagkanayon nga karong bulana, 50 ka megawatt ang kulang sa supply sa buntag samtang 80 ka megawatt usab ang kulang sa hapon.
Kini tungod kay ang Cebu Geothermal Plant 1 sa lungsod sa Naga under maintenance pa, ang land base Gas Turbine 2 sa Toledo City dili kahatag og full capacity, ug ang tulo ka units sa Cebu Diesel Power Plant 1 sa lungsod sa Naga dili gihapon magamit.
Matud pa ni Natera ang VECO nag-agad lang sa notisya sa National Grid Corp. of the Philippines, nga maoy nagsilbing tighatud sa supply sa kuryente gikan sa power providers kun pilay ilang pagngon nga load sa kuryente.
“Ang amo lamang mahatag nga assurance sa publiko nga maximum usa ka oras lang mapalong ang kuryente karong Disyembre,” sigon pa ni Natera.
Nanawagan si Natera sa publiko nga kun mogamit man og Christmas lights sa alas 8:00 na sa gabii ug pagngon ang ubang appliances kun mahimo ilabi na kun wala gamita. (Chester Abadilla) (BANATNEWS)