Polis nga nangulata taktakon

CEBU, Philippines - Ang hepe sa Talisay City Police Station (TCPS) nga si Superintendent Henry Biñas mibahad nga iyang taktakon gikan sa serbisyo kun kamapatud-an nga usa ka otoridad sa gobyerno diha sa Talisay nangulata og motorista.

Si Biñas nagkanayon nga mopahigayon pa siya ogimbestigasyon ngadto sa usa kagiingong sakop sa Talisay City Intelligence Bureau (TCIB) gipasanginlang nangulata og motorista niadtong Miyerkules sa gabii sa ilawom sa fly over sa barangay Tabunok.

Apan ang maong insidente gitaho sa biktima ngadto sa TCPS niadto nang Huwebes sa hapon.

Ang biktima kinsa nakaangkon og bun-og sa lawas mao si Dennis Ampo Loguio, 28,nga taga sitio San Miguel, barangay Linao sa nahisgutang siyudad.

Ang mikulata kaniya usa ka lalaki kinsa giingong nagpaila nga sakop sa TCIB.

Base sa imbestigasyon sa kapolisan nga si Loguio nagsakay sa iyang motorsiklo gikan sa habagatan dihang giingonggipara kini sa upat ka mga lalaki nga matud pa nagpailang mga miyembro sa TCIB.

Si Loguio mipasangil nga duha sa maong lalaki maoy migunitsa iyang bukton samtang usa usab angmikulata kaniya.

Si Biñas mibutyag sa Banat News nga base sa iyang nahipos nga report ang mga TCIB uban sa mga polis nagpahigayon og check point diha sa maong lugar dihang misuway og lihay si Loguio kay nabahas na ang iyang rehistro.

Apan dihang nasakpan kini sa mga sakop sa TCIB giingong gikulata siya busa nabun-og.

Matud ni Biñas nga kung mapamatud-an nga sakop gyud saTCIB ang nangulata sa biktima dili siya magpanuko sa pagtaktak niiniapan ipa-ubosuna kini sa“due process of law”.

Si Biñas midugang nga adunay katungod si Loguio nga mopasaka og kaso batok sa mikulata kaniya. – BANAT NEWS