CEBU, Philippines - Nasikop ang duha ka mga Koreano human kini naaktuhan sa mga sakop sa Barangay Intelligence Network (BIN) nga nagyupyop og marijuana sa parking lot sa usa ka sikat nga diskohan sa Archbishop Reyes Avenue, barangay Kamputhaw sa miaging gabii.
Ang duha ka Koreano nailhan nga sila si Tin Eun, 28, ug Sun Woo Jung, kasamtangan silang nagpuyo sa Midtown Hotel sa Fuente Osmeña.
Nasayran nga samtang nagrobing ang mga sakop sa BIN sa gawas sa Pump Disco, ilang nabantayan ang duha ka Koreano nga nagkalingaw og yupyop sa linikit nga marijuana hinungdan nga gisikop ug gidala sa Intelligence Detection Management Bureau (IDMB) sa Cebu City Police Office.
Si Charlie Shin, opisyal sa Korean community sa Sugbo nagkanayon mohatag sila og legal assistance sa duha ka Koreano. – BANAT NEWS