CEBU, Philippines - Niining panahon sa krisis karon, di angayang mahadlok mosugal aron pagtukod og kaugalingong negosyo nga wala magkinahanglan og dakong kapital o dapit nga kasugdan niini.
Ang angayan lang buhaton mao ang pagsusi-susi kung unsay “in” karon sa mga Filipino, ang tawo kinahanglang mokaon, kinahanglang moinom, kinahanglang magsul-ob og sapot, kinahanglan og edukasyon, magpagwapa ug uban pa.
Alang niadtong interesado apan walay dakong kapital nga magamit dunay usa ka seminar paghimo og sabon ug meat processing ang ilusad karong Septiyembre 26 ug 27 sa Golden Treasure Skills and Development Program.
Ang maong seminar anha buhaton sa University of the Philippines sa Cebu Campus sa dalan Gorordo Ave. sugod alas 10 sa buntag hangtud sa alas 6 sa gabii.
Diha sa maong duha ka adlaw’ng seminar makat-onan sa partisipante ang mga pamaagi sa paghimo og sabon ug kini garantisadong makalingaw ug duna gyuy makat-onan sa mga oras nga pagtambong.
Atong hinumduman ilabi na sa kababayen-an nga inig mata sa kabuntagon sa banyo dayon ang rumbo ug manghinlo sa nawong, gamit ang sabon. Mao usab kini sa pagpanglaba, niining maong puntoha kun usa ka sa nanghimo og sabon dili ba pabor sa imong habig?
Kun dili nimo planong ibaligya, mahimong di naka mopalit pa og sabon sa tindahan.
“Making your own homemade soap is easy, it’s very relaxing, it exhilarates your senses more than words alone can explain,” sumala pang Emily Diaz, usa sa mga mahiligon sa paghimo og sabon nga mao say presidente sa GTSDP.
Samtang mao usab sa meat ug fish processing, kun duna kay hiyas sa pagpanindot sa pagkaon usa ang meat ug fish processing nga makapadugang pa gyud sa imong kaalam niining maong hiyas.
Lakip sa itudlo mao ang paghimo og tocino, skinless longanisa, Chinese (canton) sausage, embutido, chicken nuggets, chicken ug pork ham, pork kikiam, corn beef, pagtangtang sa bukog sa bangus, fish kikiam ug uban pa.
Diha sa maong seminar itudlo ang tanang techniques, pamaagi, pagpalami, mga rekados ug uban pa. Mao usab sa paghimo sa sabon. Alang sa mga interesadong moapil moandam lang og P1,900 alang sa mga materyales, sa pagkaon ug sa certificates. Kadtong buot moapil sa maong seminar mahimong motawag sa telepono 259-0951 o ba kaha text sa 0929-6377319, 0916-4255109. o ba kaha bisitaha ang website www.goldentreasureskills.com. – BANAT NEWS