CEBU, Philippines - Kusganong gipanghimakak si 4th district Rep. Benhur Salimbangon ang pamahayag ni Bogo Mayor Celestino Junie Martinez nga modagan kini sa pagka-gobernador sa lalawigan sa umaabot nga election.
Kini aron atbangan si Gov. Gwendolyn Garcia samtang ang iyang igsuong babaye modagan sa pagkakongresista sa kwatro distrito. Matud pa ni Salimbangon walay kamatuoran ang pamahayag ni Martinez kay wala gyud siya'y nasultihan bisan sa suod niyang mga higala ug suporter sa politika nga nagtinguha siyang mag-gobernador lakip na ang iyang igsuon pagka-kongresista.
Si Salimbangon miingon nga pagka-kongresista gihapon sa kwatro distrito ang iyang daganan sa umaabot nga piniliay ug pabilin siyang kaalyado ni Gwen Garcia sa iyang One Cebu Party. – BANAT NEWS