CEBU, Philippines - Si Kongresista Pastor “Jun” Alcover Jr. gipaabot nga motambong sa general assembly sa New Guardian Inc. , Metro Cebu Chapter nga ipahigayon dinhi sa dakbayan sa Sugbo karong sunod buwan.
Si FRMG Raul “Boy” Ulcar Carin nga maoy Presidente sa maong grupo nagkanayon nga ang maong panagtagbo tambongan sa tanang opisyal ug sakop sa Guardian.
Si Alcover kinsa maoy Representante sa Alliance for Nationalism and Democracy (ANAD) partylist group usa usab sa mga kasamtangang miyembro sa Guardian.
Si Carin miingon nga daghan kaayong pagahisgotan sa maong panagtigom ug usa sa mga tuyo sa maong asembliya mao ang paghisgot og mga programa nga pasiugdahan sa maong organisasyon nga maghatag og kaayohan sa tanang mga molupyo sa lalawigan sa Sugbo.
Midugang si Carin nga unya na hisayri ang petsa ning maong asembliya kun kasultihan na niya si Kuya Boy David Odilao. (Romeo T. Limpangog) (BANAT NEWS)