CEBU, Philippines - Naangol ang duha ka tawo dihang gipareglahan kini og bala didto sa barangay Quisol, dakbayan sa Danao sa miaging gabii.
Ang mga biktima mao si Rogelio Majado Linso, hingkod, usa ka drayber sa traysikol, ug si Maximiano Jopia, 29, nga nagpuyo sa maong dapit samtang ang suspetsado mao usab si Arnold Rosales nga silingan ra sa mga biktima.
Si SPO4 Tiofilo Deguilmo sa Danao Police Station mibutyag sa Banat News nga walay igong hinungdan ang maong pagpamusil busa gituohan nila nga usa lang ka pamaregla ang gihimo sa suspetsado.
Gihatod dayon ang biktima ngadto sa Vicente Sotto Memorial Medical Center sa dakbayan sa Sugbo samtang ang suspetsado kinsa nakasibat dayon maoy gipangita karon sa kapolisan sa maong dakbayan. – BANAT NEWS