Mayoriya misaway sa Ombudsman pag-apil ni Ouano

CEBU, Philippines – Hugot nga gisaway sa mayoriyang sakop sa konseho sa dakbayan sa Mandaue ang pagpadayon nga paglambigit sa Ombudsman kang kanhi Mayor Thadeo Ouano sa kaso sa decorative lamppost nga gipahimutang sa kadalanan sa dakbayan atol sa 12th Asean Summit sa 2007.

Ang maong pagsaway ilang gihimo pinaagi sa duha ka resolusyon nga gipangamahanan ni Majority Floor Leader Victor Biano nga giaprobahan pinaagi usab sa pagdason ni Konsehal Noeleen Borbajo sa miaging regular session nga ilang gihimo.

Sa resolusyon numero 145-09 si Biaño miingon “expressing serious misgivings and genuine concern on outcome of the cases filed by the office of the Ombudsman Visayas re-procurement of street lightings facilities and decorative lampposts for the Asean Summit and prodding the Ombudsman to drop from the charges former Mandaue City Mayor Thadeo Z. Ouano and its engineers.”

Si Biano mipasabot nga ang maong mga kaso batok kang Ouano ug mga kaubang enhinyero sa dakbayan   gibasura na sa Sandiganbayan ug ang pipila niini gibakwi sa mga prosecutor tungod kay walay lig-ong basehanan. – Romeo T. Limpangog (BANAT NEWS)