CEBU, Philippines – Gipasakaan na og kasong double murder ang namusil-patay sa magtiayon niining silingan sa Mactan proper sa barangay Pajo, dakbayan sa Lapulapu niadtong miaging Biyernes sa buntag.
Ang gikasuhan mao si Isaac Penalosa Orindain, nagpuyo sa maong dapit nga gituohang miikyas na og mitago sa iyang probinsya sa Northern Samar.
Si SPO2 Rolito Jumao-as, imbestigador sa homicide section nga nahinabi sa Banat News miingon nga nakasibat na gyud ang suspek human sa pagpatay kanila ni Lyndon Soon, 45 ug Maria Melinda Soon, 44.
Ang panagbangi nagsugod gumikan sa panag-away sa utlanan sa ilang mga luna ug ang pagpataka og labay sa basura sa ilang tugkaran nga misangko sa pagpamusil. – Romeo Limpangog (BANAT NEWS)