CEBU, Philippines – Nailhan na sa kapolisan sa dakbayan sa Lapulapu ang usa ka langyaw nga milayat patay sa Crown Regency Hotel sa milabay'ng udto.
Si SPO2 Rolito Jumao-as sa Crimes Against Person (Homicide) sa Lapulapu Police Station miila sa biktima nga si Ashik Igbal, 23, ulitawo ug usa ka American Citizen nga taga New York City kinsa mi-check-in sa maong resort niadto pang Hunyo 23 ning tuiga.
Sa milabay'ng udto misaka kini sa ika-unom nga andana sa maong hotel, apan sa kalit lang milayat kini ug sa pagtugpa niya sa yuta, namatay.
Hangtod karon naglibog pa ang kapolisan kung unsay motibo ug hinungdan sa iyang pagpakamatay. – Bong Soriano (BANAT NEWS)