CEBU, Philippines – Patay nang napalgan ang usa ka fruit vendor human kini dunggaba ug gidakdaka’g bato diha sa sitio Camansi, Pajo dakbayan sa Lapulapu kagahapon sa buntag.
Ang biktima naila lang sa ngan nga “Joel” 19, taga sitio Balasiang,barangay Nataban, San Carlos City Negros Occidental, naninda’g prutas gamit ang bisikleta.
Sa imbestigasyon ni SPO1 Frederick Eslit sa Crime Against Person sa kapolisan sa Lapulapu nasayran nga mga alas 5:30 kagahapon sa buntag napalgan ang patay’ng lawas ni Joel duol sa daplin sa baybayon sa maong dapit nga naligo sa kaugalingon niining dugo.
Dunay lima ka samad dinunggaban sa dughan, tuong kilid ug sa suwang si Joel, samtang duna sad kini agi sa pinusdakan og bato ug binunalan sa botelya sa nawong.
Giingong daugan sa bulangan ang biktima sa wala pa ang hitabo.
Apan wala kini mohinayon og uli ug mao nalay ilang nasayran nga napalgan na kining patay na sa maong dapit.
Gituohang tulis ang motibo sa pagpatay kaniya kay wala na diha ang iyang pitaka, apan ang cellphone niini wala madala sa mga mamumuno. - Bong Soriano (BANAT NEWS)