CEBU, Philippines – Patay diha-diha ang usa ka traysikad drayber nga nagduwa og volleyball sa sitio Kadukoy sa barangay Tisa sa miaging adlaw human buko-bukoha og dunggab.
Si Isagani Nalla Presbitero, 22, nadunggaban sa usa ka Marvin Labitad Sabal, molupyo sa nahisgutang lugar nga giingong dugay nang gikaaway sa biktima.
Sa pasiunang imbestigasyon sa kapolisan nasayran nga ang biktima nagkalingaw og duwa og volleyball kauban sa iyang mga higala sa dihang kalit nga mibutho ang suspetsado ug gihansakan og kutsilyo sa likod.
Bisan paman sa naangkong samad nakadagan pa ang biktima apan pipila lang ka tikang natumba kini ug nakabsan sa kinabuhi.
Samtang ang suspetsado daling milakaw ug giingong nadunggang miingon “Atraso nako sa una,” apan wala madugay bolontaryong misurender ang suspetsado sa kapolisan sa Punta Princesa Police Station. Giingong nagsugod ang away sa duha gumikan sa rugby ug niadtong milabay’ng semana gikatahong gisuwayan og dunggab sa biktima ang suspek maong mibawos. - Lesley Caminade (BANAT NEWS)