CEBU, Philippines - Kritikal ang kahimtang sa usa ka dispatser dihang gipusil kini sa wala hiilhing tawo didto sa eskina Osmeña Boulevard ug dalan Sanciangko sa miaging gabii.
Ang biktima mao si Arturo Diquina Calinawan Jr., 29, usa ka dispatser sa PUJ nga taga sitio San Roque, barangay Guadalupe, dakbayan sa Sugbo.
Sumala sa kapolisan nga samtang bisi kaayo ang biktima sa panispatser, usa ka wala hiilhing tawo ang miduol niini ug sa walay pupangutana, gipusil kini sa ulo.
Misibat dayon ang kriminal samtang ang biktima gidali paghatod ngadto sa Cebu City Medical Center.(Lesley Caminade) (BANAT NEWS)