CEBU, Philippines - Kritikal ang kondisyon sa usa ka tawo human kini dunggaba sa lima ka sakop sa 'bloods gang' didto sa Patalinhug Ave. Brgy. Pajo dakbayan sa Lapulapu kagahapon sa kaadlawon.
Ang biktima mao si German Catagcatag, 28, ulitawo, ug Rodel Lozano, 30, minyo nga pulos taga Sitio Saac 1, Brgy. Buaya, dakbayan sa Lapulapu.
Sa imbestigasyon ni PO1 John Philip Selmaro sa homicide section, nasayran nga samtang nag-inom ang mga biktima kuyog ang duha ka higala niini didto sa Jims Tapsilog, duha ka batan-ong babaye miduol kanila ug pipila ka minutos milakaw ra usab dayon.
Apan sa paglakaw sa duha ka babaye mibanos og duol ang lima ka batan-on nga nagpurong og panyo sa grupong bloods, ug usa kanila midunggab sa walang bahin sa tiyan ni Catagcatag, samtang lain usab ang mibunal og botilya kang Lozano.
Samtang padayon pang gipangita sa kapolisan ang lima ka mga batan-ong sakop sa bloods gang nga gituohang namaregla lang sa mga biktima. – BANAT NEWS