CEBU, Philippines - Mokabat sa P150 mil ang danyos sa nasunog nga balay sa usa ka opisyal sa kapolisan diha sa barangay Suba lungsod sa Samboan niadtong Sabado sa alas 12:30 sa udto.
Ang kapulisan sa lungsod sa Samboan nakadawat og tawag gikan sa usa ka Miraflor Dugaduga, kalabot sa pagkasunog sa panimalay ni Insp. Edward Villarin.
Ang kabomberuhan daling nakakontrolar sa kalayo sulod lang sa pipila ka minutos.
Ang maong sunog nga gipaubos lang sa 1st alarm ug bugtong ang dirty kitchen lang ang hingpit nga naugdaw.
Subay sa inisyal nga imbestigasyon sa kabomberohan sa Samboan nasuta nga gikan sa sug-angan ang sinugdanan sa kalayo dihang dunay baga nga wala mabantaying natagak sa kahoy nga salog diha sa maong kusina hinungdan sa maong sunog.
Wala ang mga sakop sa pamilyang Villarin sa ilang panimalay atol sa sunog. – BANAT NEWS