Pelaez gi-welcome ni Radaza ug Chan

CEBU, Philippines - Ang mga politiko sa dakbayan sa Lapulapu mihangop sa laraw sa negosyanteng si Efrain Pelaez Jr. sa pagdagan pagkamayor sa umaabot nga election sa 2010.

Sila si kapitana Paz   Radaza sa Mactan ug konsehal sa dakbayan sa Lapulapu Junard “Ahong” Chan mipadayag sa ilang kalipay sa plano ni Pelaez.

Kini tungod kay nagtuo si Radaza ug Chan nga kun si Pelaez mahimong mayor, dako kaayo og kausaban ang dagan sa kauswagan sa maong dakbayan.

Apan matud pa ni Radaza ug Chan nga bisan kinsa, may katungod nga magplano paglansar og bisan unsang katungdanan sa dakbayan, apan ang mohuwes niini mao ang katawhan.

Bahin sa giingong makigpares si Pelaez kang Chan, ang naulahi wala pa makahukom tungod kay matud pa niya daghan pa siyang husayonon diha sa konseho.

Si Pelaez nagpanikad na sa pagkandidato pagkamayor sa dakbayan sa Lapulapu sa piniliay sa 2010 ilabi na nga nahimo siyang popular sa iyang paggukod sa administrasyon karon gumikan matud pa niya sa daghang kahiwian nga iyang naalinggatan niini. (Bong Soriano).    (BANAT NEWS)