CEBU – Patay ang usa ka lalaki human gidigo og bala samtang nagkig-inom sa iyang higala pasado alas onse sa miaging gabii sa Barangay Lahug ning dakbayan.
Si Rey Pedrosa, 30, usa ka dispatcher sa maong lugar ug lumolupyo sa Sitio Anapog Barangay Lahug giluyo pag-igo sa suspetsado nga nagsakay og motor.
Base sa imbestigasyon nga gipahigayon sa Homecide Section nasayran nga ang biktima nagkig-inom sa iyang higala nga si Socorro Vercide alyas “Coro” ug sa dihang ang suspetsado kalit lang nga naabot ug nagsakay og XRM nga motor nga adunay kolor nga blue.
Ug sa dihang natungod na kini sa nahimutangan sa suspetsado kalit lang kini nga gipusil sa makadagahan sa nagkalain-laing parte sa iyang likod nga bahin sa lawas. Sa pagkaigo sa biktima nalapos kini sa wala niyang bahin sa dughan. – BANAT NEWS