Cebu - Isipong hagit sa mga sakop sa Cebu City Police Office (CCPO) ang mga pagsaway nga gilabay ngadto kanila ug maninguhang nasayop ang mga kritiko sa ilang mga pagsaway.
Ang mga pagsaway gikatahong naggumikan sa kapakyas sa CCPO pagsulbad sa mga dagkong krimen nga nahitabo dinhi sa dakbayan particular sa miaging tuig.
Samtang ang dakbayan sa Mandaue sulod lang sa bulan sa Enero dunay tulo ka high-profile murders kansang mga biktima pulos mga babaye apan nasulbad dayon sa mao gihapong buwan.
Ang pangulo sa kapulisan sa dakbayan sa Sugbu Sr. Supt. Patrocinio Comendador nipatawag sa mga chief of police sa onse ka police stations kalabot niini.
Agi og pahinumdom sa mga kritiko sa CCPO gipresentar ni Comendador ang pito ka mga sakop nga misugal sa ilang kinabuhi ug nangaangol tungod sa pagtuman sa ilang trabaho.
Ang maong mga polis naglangkob nilang PO3 Antonio Quijano Din; SPO2 Renante Aparace Nioda; SPO1 Allan Magalso; PO1 Reynaldo Callet; PO1 Erwin Monares; PO2 Edgardo Alvaro ug PO1 Daryl Velasco. – BANAT NEWS