Cebu City Assistant City Prosecutor Mary Ann Castro mao nay bag-ong OIC Chief sa Board of Special Inquiry sa BID 7 human kini gitudlo ni BID- Commissioner Marcelino Libanan.
Base sa pamahayag ni BID Assistant Secretary for the Visayas Romeo Junia ug BID- 7 Alien Control Officer Casimiro Madarang III atol sa pakighinabi sa Banat News opisyal nang gihulipan ni Castro si Atty. Leobarlo Enad nga miretiro na sa iyang katungdanan kagahapong adlawa.
Ang pagka-abogada ug kasuhito niini sa balaod maoy usa sa gituuhang puntos ni Castro maong gipili siya ni Libanan.
Giklaro usab ni Junia nga dili mamahimong conflict ang bag-ong trabaho ni Castro isip city prosecutor gumikan kay usa lamang ka ‘recommendatory in nature’ ang mga resulta sa iyang himuong imbestigasyon.
Ang trabaho ni Castro moimbestigar sa mga langyaw’ng buot mopuyo dinhi sa nasud ug ang Commissioner lamang sa BID ang dunay katapusang hukom niini. (BANAT NEWS)