Cebu - Arestado ang usa ka lalaki human pasanginling adunay ilegal nga druga apan imbes nga drugas armas hinuon ang nakuha sa kapolisan gikan sa iyang panimalay diha sa sitio Manchacao, barangay Poblacion dakbayan sa Talisay kagahapon sa buntag.
Ang CIDG-7 sa panguna ni Insp. Enriquez Lacerna, dala ang search warrant nga giluwatan ni Judge Meinrado Paredes sa korte mironda sa panimalay ni Ramon Paulo Canton, residente sa maong lugar kinsa gipasanginlang notadong drug pusher sa maong dapit.
Apan human sa pagsiksik sa balay walay bisan usa ka paketeng iligal nga drugas nga nakuha ang mga polis gawas lang sa usa ka .9mm pistol sa maong balay nga nasutang walay mga papeles hinungdan nga gidakop gihapon kini.
Mipasabot si Lacerna nga bisan pa man nga nag-negatibo ang ilang pag-raid kang Canton, ila gihapon kining gisikop kay igo lang silang nagsunod sa ilang trabaho. –BANAT NEWS