P1.8-M danyos sa 'Lapu

Cebu - Mikabat sa P1.8 milyones   ang danyos sa 10 ka panimalay nga nasunog didto sa Demataga Village, barangay Gun-ob, dakbayan sa Lapulapu sa milabay’ng gabii.

Ang mga biktima mao ang mga panimalay sa mga Muslim sa maong dapit diin didto magsugod ang kalayo sa panimalay ni Casan Agunto.

Matud pa ni SFO1 Rany Apa, imbestigador sa kabomberohan sa dakbayan sa Lapulapu nga naglisod sila og paghimo og follow up gumikan kay dili mokooperar ang mga hingtungdan nga biktima sa maong hitabo.

Hangtod ning pagsuwat sa balita padayon pa sa imbestigasyon ang mga kabomberohan sa pagtino kun unsay sinugdanan sa kalayo nga nagsugod sa panimalay ni Agunto.

Hinuon sa maong insidente, walay nasamdan o nakalas sa maong sunog. Sa 10 ka mga panimalay nga nasunog unom niini ang naugdaw samtang upat ang partially damaged.

Nadawat sa kabomberohan sa dakbayan sa Lapulapu ang alarma mga alas 9:18 sa milabay’ng gabii diin gipaubos kini sa general alarm ug nakontrolar kini sulod sa 3 minutos. – BANAT NEWS