Naglutaw sa sapa, patay

CEBU – Usa ka tawo kinsa gituohang gipusposan og kahoy sa ulo ,napalgang wala nay kinabuhi nga naglutaw-lutaw sa sapa didto sa barangay Bagacay, Barili niadtong miaging adlaw.

Ang biktima nailhan nga si Anastacio Pagador, 40, biyudo nga taga Bagacay, samtang ang mipuspos og gahing butang sa biktima wala pa hiilhi sa kapolisan.

Si SPO1 Salde Urgellio sa Barili Poplice Station mibutyag sa Banat News nga nasuta nila ang paghuboy gumikan sa kabun-og sa ulo sa biktima.

Gituohan nila nga gipuspusan sa kahoy ang biktima ug dihang nakuyapan kini gihagbong ngadto sa sapa.

Ang mga silingan nagkanayon nga nianang gabii sa wala pa hikit-ing patay ang biktima nakadungog sila og buto-buto sa armas de fuego sa dapit diin maglutaw ang biktima.

Apan dihang gisusi sa kapolisan wala kini samad sa bala busa gituohan nilang buto ra sa rebentador ang nabati sa mga tawo didto sa maong lugar. – BANAT NEWS