Amahan miunay og hagbong sa anak gikan sa building

CEBU - Nag-atubang ang usa ka batan-ong amahan og kasong infanticide human niya ihagbong ang iyang kaugalingong anak nga bag-o pang natawo gikan sa building didto sa Tuguegarao City, Cagayan.

Ang kapolisan sa maong lugar padayon pang miimbistigar kang Rustom Timtim, 18- anyos, human niadtong Miyerkules sa kadlawon gihagbong niini ang iyang anak gikan sa usa ka building nga nahimutang sa Balzain village Tuguegarao City.

Ang mga polis nagkanayon nga si Timtim, usa ka tinun-an sa Cagayan Colleges sa Tuguegarao kinsa nakit-an niadtong higayona nga nagsapnay sa bag-ong na tawo nga puya nga nagpaingon ngadto sa taas sa building.

Base sa mga pamahayag sa mga testigos nga nakakita sa maong insidente nagkanayon nga ang maong amahan sa walay kukahadlok ug pagpanagana gitagak niini ang puya kinsa gianak sa iyang uyab nga schoolmate usab niini.

Ang maong batan-on nga amahan ang nagtingkagol karon sa detention cell didto sa Tuguegarao City Police Office sa probinsiya sa Cagayan. - Rey B. Pasaporte (BANAT NEWS)