Motor vs Dumptruck 2 ka lalaki Kritikal

CEBU - Pulos nalandig sa tambalanan ug kritikal ang kahimtang sa duha ka mga lalaki human nibangga ang ilang gisakyan sa gikasugat niining 10 wheeler dump trucks didto sa taytayan sa barangay Ocana siyudad sa Carcar niadtong Miyerkules sa ala 1:00 sa hapon.

Ang mga biktima nga maoy nagmaneho sa Honda TMX-155 kolor blue mao si Roque CA rin, 44 anyos, minyo, ug angkas niini mao si Gamby Hilaga, hingkod ang panuigon, pulos mulopyo sa lungsod sa Dalaguete.

Samtang ang drayber sa 10 wheeler dump trucks nga puno sa mina nga carbon nga karga mao si Nicolas Prieto, 42 anyos, minyo ug molopyo sa Dungca siyudad sa Danao.

Matud ni SPO1 Joseph Quimod, imbistegador sa traffic division sa Carcar City Police dihang nahinabi sa Banat News ang motorsiklo gikan siyudad sa Sugbo ug paingon kini sa lungsod sa Dalaguete nga samtang ang 10 wheeler dump trucks nga gikan sa lungsod sa Dalaguete, naghakot og mga carbon paingon unta kini sa siyudad sa Sugbo.

Apan paghiabot sa maong lugar gibutyag sa mga nakasaksi sa hitabu kusog nga nagpadagan ang motorsiklo ug ni-overtake kini sa gisundan nga sakyanan ug wala mabantayi niini ang gikasugat nga dump truck hinungdan sa pagkasampak niini sa ilang panagbangga human usab nikawat og lugar ang motorsiklo.

Matod ni SP01 Quimod maayung pagkaguba sa motorsiklo nga nipasok sa dump trucks samtang ang mga biktima nga nalabay human mabanda sa bumper sa dump trucks nabalian kini sa bukton ug tiil samtang ang angkas maoy gihulagway nga maoy labing seryoso tungod kay maayung pagkasamad ang ulo tungod sa pagkabunal ug gani nagsuka suka pa kini nga gitabang pagdala sa Carcar District Hospital apan gideretso dayun sa tambalanan dinhi sa dakbayan sa Sugbo.

Ang drayber sa dump truck boluntaryo sab dayung nitahan sa iyang kaugalingon human sa hitabi. - Darrel A. Carumba (BANAT NEWS)