Video karera padayon sa Talisay

CEBU - Sugal sa video karera diha sa dakbayan sa Talisay wala gihapon mahunong human rondaha sa kapolisan ang usa ka gidudahang pasugalan diha sa sitio Bahadas ug Tabulasan, barangay Tabunok, dakbayan sa Talisay.

Duha ka video karera nga gipahiluna diha sa usa ka gamay'ng payag ang nasakmit sa grupo ni Sr. Insp. Jovito Canlapan, officer in charge sa Talisay City Police Station. Ang kapolisan nakadawat og tawag gikan sa usa sa mga residente sa lugar kabahin sa maong mga makina apan walay bisan usang miangkong tag-iya o caretaker.Kahinumduman nga sa milabay'ng mga buwan gipahugtan sa siyudad ang operasyon batok sa mga illegal gambling machines apan ning bag-o lang mibalik na usab ang operasyon niini. – BANAT NEWS