Suweldo sa mga titser sa rehiyon na

CEBU - Ang Ubos Balay Balaoranan pormal nang miaprobar sa ikatulo ug final reading sa balaodnon nga magbalhin na sa kada rehiyon sa processing ug releasing sa suholan sa mga magtutudlo   aron masiguro nga madawat gyud nila ang tseke sa insaktong petsa.

Si Kongresista Eduardo Gullas sa unang distrito sa lalawigan sa Sugbu nga maoy principal sponsor sa House Bill No. 4981 miingon nalipay siya nga duna na unya'y decentralization sa payroll system human giaprobahan sa Kongreso aron ang mga magtutudlo dili na mapugos pag-adto sa Manila sa higayon nga duna sila'y problema sa ilang suweldo.

Ang balaudnon ni Gullas nagtinguha sa decentralization sa mga payroll gikan sa Services Division of the Department of Education (DepEd) kinsa maoy gitahasan sa pag-handle sa printing ug distribution sa mga suholan sa tanang nag-alagad nga magtutudlo sa pampublikong tunghaan sukad sa paghimo niining departamento.

Gihimo ang regionalized payroll service kaniadto ni kanhi Kongresista Jose Gullas kinsa igsuon ni Kongresista Eduardo Gullas panahon sa iyang termino sa tuig 2004.

Si Dr. Jose Gullas kinsa milampos sa pagpasar sa House Bill 2542 nga gitawag og The Act Regionalizing the Department of Education Payroll Service Division.

Matud sa kongresista sa elementarya naglisod   sa pagkuha sa ilang payroll   sa Service Division sa DepEd-Manila.

Nunot niini, nagkanayon si Gullas ang mga magtutudlo dili na unya maglisod sa ilang pag- follow-up sa ilang mga suholan ug dili na sila mogasto og dako sa ilang tinigum nga kuwarta.

Gitawag kini og An Act providing for the Regionalization of the DepEd Services Division, sanglit ang maong balaod nagmando sa tanang buhatan sa Regional Payroll Services Unit (RPSU) nga ang tanang rehiyonal nga buhatan sa DepEd lakip na ang Autonomous Region in Muslim Mindanao mahimo nang anha   ang mga magtutudlo.

Ubos sa maong balaod ang RPSU dunay katungod sa processing, printing, and distributing sa suholan pinaagi sa tseke sa tanang magtutudlo sa pampbulikong tunghaan ilabi na sa elementarya. (BANAT NEWS)