CEBU - Patay nang nakit-an ang usa ka 50-anyos nga lalaki nga makadaghan nang higayun nga nagtinguha sa pagpakamatay apan kanunay mapakgang human gituohang naghikog sulod sa pansayan gamit ang electrical wire nga gihigot sa iyang liog ug gibaat sa kahoy ubos sa atop sa barangay Casay lungsod sa Dalaguete kagahapon sa alas 4:00 sa kaadlawon.
Ang nagpakamatay mao si Luis Carcari Jr. nagpuyo sa maong lugar kinsa nakit-an sa iyang pag-umangkon nga si Richard Carcari, 38, nga nagbitay na.
Matud ni PO1 Noeh Rosales sa Dalaguete Police dihang nahinabi sa Banat News makadaghan na kining misuway og hikog apan kanunay nga mabantayan hinungdan nga wala mahinayun.
Gitumbok nga hinungdan niini mao ang pagkasakit og nervous breakdown nga kaniadto pa gihambin niini. – BANAT NEWS