Manag-amahan gisulod sa balay gipusil, gitigbas

CEBU - Usa patay ug laing usa ang kritikal ang kahimtang human ang mga biktima ang gipusil ug gitigbas sa wala mailhing tawo niadtong Biyernes sa alas 11:00 sa gabii sa barangay Santican, dakbayan sa Danao.

Apan ang maong hitabo kagahapon lang sa alas 4:00 na sa kaadlawon gipahibalo sa konsehal sa barangay nga si Virgilio Castro uban sa tanod nga si Cruz Basador.

Ang biktima giila nga si Luis Almorin ug ang anak niining si Alone parehong residente sa lugar, matud ni SPO4 Edgar Gomez nga mokabat ngadto sa 30 kilometros ang gilay-on gikan sa barangay Poblacion paingon ngadto sa barangay Santican nga usa ka bukirang barangay sa nahisgutang dakbayan.

Si Gomez nagkanayon nga ang amahan ug anak ang naabtan na lang sa grupo nga nagbuy-od na diha sulod sa ilang balay.

Si Alone nakaangkon og samad pinusilan sa ulo diin ang bala ang milahos ug laing samad pinusilan sa walang paa.

Samtang ang amahan niining si Luis ang nakaangkon og samad tinigbasan sa liog nga gituohang maoy hinungdan sa kamatayon niini.

Ang duha ka biktima ang daling gidala sa Danao District Hospital apan si Luis ang wala na makaabot nga buhi sa maong tambalanan samtang si Alone ang gibalhin sa Cebu City Medical Center, dakbayan sa Sugbo.

Si SPO4 Gomez ang midugang nga wala pa silay nakuhang impormasyon kabahin sa motibo sa maong insidente. – BANAT NEWS