Gwardiya, bayot nagbinastos

CEBU - Nag-roving nga mga barangay tanod nakasakop sa usa ka gwardya ug mahuyang nga nihimo og malaw-ay'ng buhat sa ngitngit nga dapit sa may kakahoyan duol sa iyang gibantayan kagahapon sa kaadlawon diha sa Acasia St. sa barangay Camputhaw ning dakbayan.

Sila si Michael Lawas ug Romeo Olljol mga tanod sa barangay Camputhaw nga nag-roving niadtong higayuna gikatahong nakasigpat sa usa ka lalaking nagbarog ug naghangad-hangad sa langit.

Sigun sa report sa DySS kagahapon nagtuo silang giatake ang maong lalaki sa balatian hinungdan dali nilang giiwagan og flash light ang nawong niini apan ilang nakit-an sa may tiilan niini ang laing tawo nga nagluhod.

Gikatahong base sa porma sa lawas sa nagluhod nga lalaki nasaypan nila kining babaye nga dihang ilang naiwagan ug naduolan usa diay kini ka mahuyang ug nagkupot sa kinatawo sa maong gwardiya.

Diha lang nila nakumpirmar nga mahuyang ang kauban sa gwardiya dihang kini mikaratil og dagan sama sa dinaganan sa usa ka lalaki, ug giingong nag-‘t-back’ pa kini.

Matud pa sa report nga niangkon ang maong guwardya (ngan gipugngan sa Banat News) kinsa nagbantay sa usa ka hotel diha sa maong dapit nga nag-sideline lang siya pagserbisyo sa maong mahuyang kinsa mibayad kaniya og P200. Si Jeffrey Tumulak, konsehal sa barangay Camputhaw ug reporter sa DySS ug chairman sa peace and order sa ilang barangay nagkanayon nga ila nang gibadlong ang mga mahuyang dihang dapita nga dili moladlad sa kadalanan sayo pa sa kagabhion tungod kay ila kining dakpon.

Nagkanayon si Tumulak inig abot gihapon sa lawom na nga kagabhion anha pa manggawas ang mga mahuyang. (BANAT NEWS)