Gipusil maguwang

CEBU - Nalandig sa tambalanan ang usa ka 28-anyos nga lalaki human kini unaya pagpusil sa iyang maguwang kagahapon sa kaadlawon sa sitio Galaxy, barangay Tanke, dakbayan sa Talisay.

Ang biktima mao si Angelito Fernandez, residente sa nahisgutang lugar kinsa nakaangkon og samad pinusilan sa tuong bahin sa tiyan ug gidala sa Talisay City District Hospital apan tungod sa kahimtang niini gibalhin kini sa Vicente Sotto Memorial Medical Center.

Ang suspetsadong maguwang ni Angelito nga si Ranilo Fernandez hangtud karon ang pabiling nagtago-tago.

Sa wala pa mahitabo ang insidente si Angelito nag-inusara kining nag-inom ug nagduwa og video game diha sa ilang compound sa nahisgutang lugar ug kalit lang giduol sa suspek.

Gikatahong naglalis ang duha hinungdan nga migawas ang suspek ug sa pagbalik may dala na kining pusil ug gipusil ang biktima makatulo ka higayon. – BANAT NEWS