PHO Bohol dunay pahimangno bahin sa monkeypox

CEBU, Philippines — Gipahingusgan sa Provincial Health Unit sa Probinsya sa Bohol ang pagbantay sa gikabalak-an karon sa publiko mga monkeypox.

Sa usa ka health advisory sa PHO Bohol ngadto sa tanang Disease Monitoring Unit sa lalawigan, ang PHO nagkanayon nga wala pay natala nga monkeypox case sa lalawigan apan nagkadaghan na ang maong kaso sa ubang lugar sa nasud.

“While the same has not been noted in Bohol, all rural health units, hospitals, and other health facilities are requested to intensify information and education communication campaigns on mpox prevention, highlighting the importance of early detection, consultation, isolation, immediate reporting, and avoiding crowded places,” sumala sa PHO Bohol.

Matod sa PHO pinaagi sa Provincial Epidiomology and Surveillance Unit niini nga angay hatagan og importansya ang sayo nga pagpakonsulta ug isolation ug moreport dayon sa mga indibidwal nga adunay sintomas sa monkeypox.

Ang monkeypox usa ka viral zoonotic disease, pasabot nga mamahimong ma transmit o matakod gikan sa hayop ngadto sa tawo.

Kasagarang sintomas niini mild ra, apan mamahimong adunay sakit nga rashes, hilanat, sakit sa likod, faitigue, labad sa ulo, muscle pain ug uban pa.

Ang maong sakit mamahimong makuha pinaagi sa close contact sa infected nga indibidwal, body fluids, o respiratory droplets. Mamahimo sab nga makuha ang maong sakit sa kontaminado nga mga materyales sama sa beddings o sinina.

Makuha sab kini sa mga hayop sama sa primates o rodents kon ang tawo mapaakan o pinaagi sa scratches.

Ang Iloilo nakatala na og duha ka kaso sa monkeypox. (BANAT NEWS)